Khutbah I

السَّلَامُ عَلَيْكُمْ وَرَحْمَةُ اللهِ وَبَرَكَاتُهُ

اللهُ أَكْبَرُ  اللهُ أَكْبَرُ  اللهُ أَكْبَرُ  اللهُ أَكْبَرُ  اللهُ أَكْبَرُ  اللهُ أَكْبَرُ  اللهُ أَكْبَرُ  اللهُ أَكْبَرُ  اللهُ أَكْبَرُ  اللهُ أَكْبَرُ 

إنَّ الْحَمْدَ لِلهِ نَحْمَدُهُ وَنَسْتَعِينُهُ وَنَسْتَغْفِرُهُ، وَنَعُوذُ بِاللهِ مِنْ شُرُورِ أَنْفُسِنَاوَمِنْ سَيِّئَاتِ أَعْمَالِنَا، مَنْ يَهْدِهِ اللهُ فَلاَ مُضِلَّ لَهُ، وَمَنْ يُضْلِلْ فَلاَ هَادِىَ لَهُ، وَأَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيكَ لَهُ، وَأَشْهَدُ أَنَّ مُحَمَّدًاعَبْدُهُ وَرَسُولُهُ

وَالصَّلَاةُ وَالسَّلَامُ عَلَىالنَّبِيِّ الْمُصْطَفَىسَيِّدِنَامُحَمَّدٍ وَعَلَىأَلِهِ وَصَحْبِهِ أَهْلُ الصِّدْقِ وَالْوَفَاءِ، أَمَّابَعْدُ

فَيَاعِبَادَ اللهِ، أُوْصِينَفْسِيوَإِيَّاكُمْ بِتَقْوَىاللهِ وَطَاعَتِهِ، فَمَنِ اتَّبَعَ الْهُدَىوَاتَّقَىفَقَدْ أَفْلَحَ وَفَازَ، إِنَّ اللهَ لَايُخْلِفُ الْمِيْعَادَ. وَقَالَ تَعَالَى:  إِنَّ لِلْمُتَّقِينَ مَفَازًا، حَدَائِقَ وَأَعْنَابً

Puji lan syukur kita panjataken wonten ngarsa Gusti Allaah Subhaanahu wa Ta’aalsa atas sedaya kanugerahan ingkang boten bakal saget kapetang, sahe arupi kanikmatan ngkang lahir tuwin kenikmatan batin utaminipun kanugerahan Iman lan Islam ingkang dados nuur pitedah gesang kita.

Welas Asih Pengagungan lan Keselametan saking ngarsa Gusti Allaah tansah kaparingaken dateng junjungan kita Kanjeng Nabi Muhammad shallallsahu ‘alaihi wa sallam, para keluarga lan para shahabatipun ingkang pinilih minangka tulada ngelampahi Agami Islam.

Jama’ah Shalat Idul Adha rahimakumuLlaah…

Mangga kita sareng-sareng tansah ningkataken taqwa kita dumateng Gusti Allaah Subhaanahu wa Ta’alaa kanti estu-estu anggenipun ngelaksanaaken sedaya dawuhipun lan nebihi sedaya awisanipun. Namung Taqwa kita dateng Gusti Allaah ingkang saget dados sangu gesang ing akhirat benjang. Namung kanti Taqwa menika kita pikantuk kawilujengan ing dunya lan akhirat.

Ma’asyiral muslimin wal muslimat hafidzakumullah…

Dinten menika dinten Jum’at. Dinten menika inggih dinten Riyaya Idul Adha ingkang ugi kawastanan Riyaya Qurban, dinten ingkang agung, dinten kangge mrengeti peristiwa ageng Nabi Ibrahim lan ingkang Putra Nabi Ismail alaihimas salaam.

Kados riwayat ingkang masyhur bilih puncak saking peristiwa menika inggih Nabi Ismail alaihis salaam kersa lan pasrah dipun sembelih dening ramanipun, Nabi Ibrahim alaihis salaam kados dawuhipun Gusti Allaah dateng Nabi Ibrahim.

Nabi Ibrahim lan Nabi Ismail alaihimas salaam wantun, kersa lan ridha ngelaksanaaken perintahipun Gusti Allaah menika inggih namung keranten Taqwa dateng Gusti Allaah Subhaanahu wa Ta’alaa, boten keranten sanesipun. Taqwa ngkang wonten ing manah Panjenenganipun kekalih waget nguwasani lan ngalahaken sedaya perkawis dunya ingkang tansah narik dateng kepinginan utawi hawa nefsunipun Nabi Ibrahim lan Nabi Ismail minangka manungsa limrah.

Manungsa dados makhluq ingkang paling sempurna tinimbang makhluq sanesipun, boten namung saking arah raganipun nanging ugi saking arah bilih manungsa kanugerahan akal lan nafsu utawi kepinginan.

Mila, menawi manungsa ingkang tansah ngutamaaken Taqwa lan waget istiqamah, jejek lan estu-estu ngelaksanaaken perintah-perintahipun Gusti Allaah Subhaanahu wa Ta’alaa, piyambakipun waget estu-estu dados makhluq ingkang derajatipun mulya ngungkuli malaikat.

Kosokwangsulipun, menawi manungsa menika kawon kalian hawa nafsunipun hingga tebih saking tha’at lan asring ngelampahi dosa utawi maksiat, piyambakipun dados manungsa awon, asor lan ina; derajatipun langkung asor lan ina tinimbang iblis. Na’uudzi biLlaah min dzaalik…

Jama’ah Shalat Iedul Adha rahimakumuLlaah…

Saklajengipun, kados pundi lan menapa ingkang kita pilih; bade nuruti manah taqwa ingkang leres lan sahe ingkang ngajak dateng tha’at kanti nuur Iman lan Islam ingkang ndumugeaken dateng selamet, beja lan mulya dunya akhirat utawi bade nuruti hawa nafsu ingkang lepat lan awon ingkang ngajak dateng maksiat lan njerumusaken dateng kasengsaran lan kapitunan dunya akhirat.

Kita sampun mangertosi napa lan pundi ingkang kedah kita utamaaken. Namung kemawon kita tasih asring kesasar; langkung asring nuruti utawi kebujuk dening hawa nafsu tinimbang nuruti manah ingkang taqwa ingkang ngajak dateng tha’at.

Imam al-Bushiri ing Qasidah al-Burdah ngendikaaken:

وَالنَّفْسُ كَالطِّفْلِ إِنْ تُهْمِلْهُ شَبَّ عَلَى ۞ حُبِّ الرَّضَاعِ وَإِنْ تَفْطِمْهُ يَنْفَطِمِ

Artosipun: “Nafsu kaya dene bayi, yen sira jarke, arep tetep seneng nyusu. Yen sira sapih, arep bisa gelem leren nyusu.”

Bayi kedah dipun latih lan dipun biasaaken supados waget dipun sapih hingga boten nyusu ngantos langkung umur kalih tahun.

Hawa nefsu ugi mekaten, ibarat bayi utawi lare alit, kedah dipun latih lan dipun biasaaken supados boten sakkarepipun piyambak lan supados boten nerak aturan, langkung-langkung aturan agami Islam utawi syariat.

Hal menika penting sanget kita terapaken ing sedaya perkawis langkung-langkung babagan dunya utawi kadunyan. Ing antawisipun perkawis dunya inggih anak. Boten sekedik tiyang ingkang sama mbanggaaken anak ing babagan dunyanipun; pinter nyambut damel, sugih bandha, pangkat inggil, sakterasipun ananging babagan agami kirang utawi boten dipun gatosaken. Hal menika sampun dipun wanti-wanti Al-Qur’an ing Surah AlHadid ayat 20:

اعْلَمُواأَنَّمَاالْحَيَاةُ الدُّنْيَالَعِبٌ وَلَهْوٌ وَزِينَةٌ وَتَفَاخُرٌ بَيْنَكُمْ وَتَكَاثُرٌ فِيالْأَمْوَالِ وَالْأَوْلَادِ

Artosipun: “Ngertiha seliramu kabeh yen anging pestine urip dunya iku mung dolanan, guyon, lan hiasan, lan sing sapa wonge ing antarane seliramu kabeh anggak-anggakan sarta akeh-akehan banda dunya lan keturunan.”

Mila, Nabi Ibrahim alaihis salaam nalika dipun perintah nyembelih putranipun Nabi Ismail menika boten namung ujian tha’at kemawon nanging ugi latihan kangge nguasani hawa nefsu utawi kepinginan dateng perkawis dunya; milih tha’at dateng perintah Gusti Allaah lan ngutamaaken Iman Islamipun utawi kawon dateng trisnanipun dateng ingkang Putra.

Ing saklajengipun Nabi Ibrahim lan Nabi Ismail alaihimas salaam lulus lan waget ngelaksanaaken ujian saking Gusti Allaah Subhaanahu wa Ta’alaa.

Kedadosan menika kita dadosaken tuladha lan patokan kangge ngadepi sedaya masalah ingkang mawerni-werni supados kita selamet lan bagya mulya dunya akhirat.

Wonten ing Al-Qur’an Surah At-Taghaabun dipun dawuhaken:

إِنَّمَاأَمْوَالُكُمْ وَأَوْلَادُكُمْ فِتْنَةٌ وَاللَّهُ عِنْدَهُ أَجْرٌ عَظِيمٌ

Artinya: “Anging pestine banda-banda sira kabeh lan anak-anak sira kabeh iku fitnah (ujian), lan ing ngarsane Gusti Allaah ana ganjaran kang agung.”

Syekh Wahbah az-Zuhaili ing Kitab Tafsir Al-Munir (juz 28 hal. 257) ngendikaaken bilih banda lan anak ugi bojo dados ujian. Nalika manungsa langkung kathah nuruti dunya tanpa nggatosaken Syariat utawi aturanipun Gusti Allaah lan RasuluLlah, mangka manungsa menika dados musuhipun agami Islam lan bakal kapitunan tuwin sengsara dunya akhirat. Na’uudzu biLlaah min dzaalik…

Mangga sedaya perkawis dunya kita lampahaken kanti netepi aturan utawi syariat ingkang sampun kita tampi saking Kanjeng Nabi Muhammad shallaLlaahu alaihi wasallam.

Dawuhipun Kanjeng Nabi Muhammad shallaLlaahu alaihi wasallama:

أَلاَ إِنَّ الدُّنْيَامَلْعُونَةٌ مَلْعُونٌ مَافِيهَاإِلاَّ ذِكْرُ اللهِ وَمَاوَالاَهُ وَعَالِمٌ أَوْ مُتَعَلِّمٌ

Artosipun: “Elinga saktemene dunya iku dilaknat, dilaknat apa wae kang ana ing dunya kejaba eling/dzikir marang Gusti Allaah lan apa wahe kang bisa ngarahake marang dzikir iku, sarta wong kang duwe ngilmu lan golek ngilmu.” (HR. Tirmidzi)

Saking dawuh menika saget dipun mangertosi bilih dzikir dateng Gusti Allaah inggih menika mangertosi perkawis ngkang leres lan sahe utawi dipun wastani ngilmu. Sakmestinipun ingkang dipun maksud inggih ngilmu Agami Islam. Mila Kanjeng Nabi dawuh bilih kita kedah tansah ngaos ngudi ngilmu sarta tansah ngamalaken kanti niat dzikir dateng Gusti Allaah.

Kanti Shalat ldul Adha, Riyaya Qurban lan nuladani Nabi Ibrahim lan Nabi Ismail alaihimas salaam menika, mugi Gusti Allaah tansah maringi pitulungan arupi kekiatan lan pitedah hingga kita waget nyembelih utawi mragat hawa nafsu utawi kepinginan-kepinginan kita numpuk-numpuk banda lan ngunggulaken perkawis dunya hingga kita waget ngelaksanaaken perintah-perintahipun Gusti Allaah lan nebihi awisan-awisanipun.

Mugi Gusti Allaah nglebetaken kita ing golonganipun tiyang-tiyang ingkang dipun ridhani Gusti Allaah Subhaanahu wa Ta’alaa lan syafa’atipun Kanjeng Nabi Muhammad shallaLlaahu alaihi wasallama, selamet, beja lan mulya dunya akhirat.

بَارَكَ اللهلِيوَلَكُمْ فِياْلقُرْآنِ اْلعَظِيْمِ وَنَفَعَنِيوَإِيَّاكُمْ بِمَافِيْهِ مِنَ اْلآيَاتِ وَذِكْرِ الْحَكِيْمِ.

أَقُوْلُ قَوْلِيهَذَافَأسْتَغْفِرُ اللهَ العَظِيْمَ

إِنَّهُ هُوَ الغَفُوْرُ الرَّحِيْمِ

Khutbah II

اللهُ أَكْبَرُ  اللهُ أَكْبَرُ اللهُ أَكْبَرُ اللهُ أَكْبَرُ اللهُ أَكْبَرُ اللهُ أَكْبَرُ اللهُ أَكْبَرُ  وَلِلَّهِ الْحَمْدُ

اَللهُ أكْبَرُ مَاذَكَرَهُ الذَّاكِرُوْنَ، اَللهُ أكْبَرُ مَاحَمِدَهُ الْحَامِدُوْنَ، اَللهُ أكْبَرُ مَاتَقَلَّبَ اللَّيْلُ وَالنَّهَارُ،اَللهُ أكْبَرُ فِيكُلِّ حَالٍ وَفِيسَائِرِ الظُّرُوْفِ وَالْأَحْوَالِ، اَللهُ أكْبَرُ مَاأَقْبَلَ التَّائِبُوْنَ إِلَىرَبِّهِمْ مُسْتَغْفِرِيْنَ، اَللهُ أكْبَرُ مَاتَجَلَّىاللهُ عَلَىعِبَادِهِ فِيهَذَاالشَّهْرِ الْمُبَارَكِ وَفِيسَائِرِ الشُّهُوْرِ وَالْأَيَّامِ بِالرَّحْمَةِ وَالْغُفْرَانِ

الحَمْدُ لِلَّهِ الَّذِيْ أَمَرَنَابِإِفْشَاءِ السَّلَامِ وَالصَّلَاةُ وَالسَّلَامُ عَلَىنَبِيِّنَامُحَمَّدٍ الْمَبْعُوْثِ إِلَىسَائِرِ الْأُمَمِ وَعَلَىأَلَهِ وَصَحْبِهِ الْمُتَمَسِّكِيْنَ بِدِيْنِ الْإِسْلَامِ۰ اَمَّابَعْدُ

فَيَاعِبَادَ ﷲ… اتَّقُوااللّٰهَ حَقَّ تُقٰىتِهٖ وَلَاتَمُوْتُنَّ اِلَّاوَاَنْتُمْ مُّسْلِمُوْنَ. قَالَ اللهُ تَعَالىفِيْ الْقُرْآنِ ﺍﻟْﻌَﻈِﻴْﻢِ:  ﺇِﻥَّ ﺍﻟﻠّٰﻪَ ﻭَﻣَﻼَﺋِﻜَﺘَﻪُ ﻳُﺼَﻠُّﻮْﻥَ ﻋَﻠَﻰﺍﻟﻨَّﺒِﻲِّ، ﻳَﺎﺃَﻳُّﻬﺎَ ﺍﻟَّﺬِﻳْﻦَ ﺀَﺍﻣَﻨُﻮْﺍﺻَﻠُّﻮْﺍﻋَﻠَﻴْﻪِ ﻭَﺳَﻠِّﻤُﻮْﺍﺗَﺴْﻠِﻴْﻤًﺎ

اَللّٰهُمَّ ﺻَﻞِّ ﻋَﻠَﻰسَيِّدِنَاﻣُﺤَﻤَّﺪٍ ﻭَﻋَﻠَﻰﺁلهِ وَصَحْبِهِ اَجْمَعِيْناَللّٰهُمَّ اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ، وَتَجَاوَزْ عَنْهُمْ السَيِّئَاتِ وَارْفَعْ لَهُمُ الدَّرَجَاتِ. اَللّٰهُمَّ أَصْلِحْنَاوَأَصْلِحْ أَحْوَالَنَا، وَأَصْلِحْ مَنْ فِيصَلَاحِهِمْ صَلَاحُنَاوَصَلَاحُ الْمُسْلِمِيْنَ، وَأَهْلِكْ مَنْ فِيهَلَاكِهِمْ صَلَاحُنَاوَصَلَاحُ الْمُسْلِمِيْنَ.

اَللّٰهُمَّ وَحِّدْ صُفُوْفَ الْمُسْلِمِيْنَ، وَارْزُقْنَاوَإِيَّاهُمْ زِيَادَةَ التَّقْوَىوَالْإِيْمَانِ. اَللّٰهُمَّ ارْزُقْنَاحُبَّكَ وُحُبَّ نَبِيِّكَ، وَحُبَّ مَنْ أَحَبَّكَ وَأَحَبَّ نَبِيَّكَ. اللَّهُمَّ ارْزُقْنَامُتَابَعَةَ نَبِيِّكَ وَالتَّمَسُّكَ بِكِتَابِكَ وَبِسُنَّةِ نَبِيِّكَ، وَلَاتَجْعَلْ مُصِيْبَتَنَافِيدِيْنِنَا، وَلَاتَجْعَلْ الدُنْيَاأَكْبَرَ هَمِّنَاوَلَامَبْلَغَ عِلْمِنَا، وَاجْعَلْ الجَنَّةَ هِيَ دَارُنَاوَقَرَارُنَا، وَلَاإِلَىالنَّارِ مَصِيْرُنَا

اَللهُ أكْبَرُ، اَللهُ أكْبَرُ،اَللهُ أكْبَرُ، لَاإِلهَ إِلَّااللهُ وَاللهُ أكْبَرُ، اَللهُ أكْبَرُ وَللهِ الْحَمْدُ

ثُمَّ السَّلَامُ عَلَيْكُمْ وَرَحْمَةُ اللهِ وَبَرَكَاتُهُ

Sumber :
PERGERAKAN MAHASISWA ISLAM INDONESIA (PMII) – RAYON BAMBOOSA SP
Alamat : Pending Lor RT 02 RW 11, Pancuranmas, Kec. Secang, Kabupaten Magelang, Jawa Tengah
Email : rayonbamboosasp@gmail.com
Tlp. 085866214989 (Ahsan)

The post Khutbah Idul Adha 1446 H / 2025 M Bahasa Jawa – Nyembelih Hawa Nafsu, Nggayuh Taqwa appeared first on Suara NU.

Khutbah I

اَللّٰهُ أَكْبَرُ اَللّٰهُ أَكْبَرُ اَللّٰهُ أَكْبَرُ، اَللّٰهُ أَكْبَرُ اَللّٰهُ أَكْبَرُ اَللّٰهُ أَكْبَرُ، اَللّٰهُ أَكْبَرُ اَللّٰهُ أَكْبَرُ اَللّٰaهُ أَكْبَرُ. اَللّٰهُ أَكْبَرُ كَبِيْرًا وَالْحَمْدُ لِلّٰهِ كَثِيْرًا وَسُبْحَانَ اللّٰهِ بُكْرَةً وَأَصِيْلاً، لَآ اِلٰهَ اِلَّا اللّٰهُ وَحْدَهُ، صَدَقَ وَعْدَهُ، وَنَصَرَ عَبْدَهُ، وَأَعَزَّ جُنْدَهُ، وَهَزَمَ اْلأَحْزَابَ وَحْدَهُ، لَآ اِلٰهَ اِلَّا اللّٰهُ وَلاَ نَعْبُدُ إِلاَّ إِيَّاهُ، مُخْلِصِيْنَ لَهُ الدِّيْنَ وَلَوْ كَرِهَ الْكَافِرُوْنَ، لَآ اِلٰهَ اِلَّا اللّٰهُ وَاللّٰهُ أَكْبَرُ، اَللّٰهُ أَكْبَرُ وَلِلّٰهِ الْحَمْدُ

اَلْحَمْدُ لِلّٰهِ الَّذِيْ وَفَّقَنَا ِلإِتْمَامِ شَهْرِ رَمَضَانَ وَأَعَانَناَ عَلىَ الصِّيَامِ وَالْقِيَامِ وَجَعَلَنَا خَيْرَ أُمَّةٍ أُخْرِجَتْ للِنَّاسِ. نَحْمَدُهُ عَلَى تَوْفِيْقِهِ وَهِدَايَتِهِ. وَأَشْهَدُ أَنْ لَآ اِلٰهَ اِلَّا اللّٰهُ وَحْدَهُ لاَ شَرِيْكَ لَهُ، اَلْمَلِكُ الْحَقُ الْمُبِيْنُ، وَأَشْهَدُ أَنَّ مُحَمَّدًا عَبْدُهُ وَرَسُوْلُهُ خَاتَمُ النَّبِيِّيْنَ. وَالصَّلاَةُ وَالسَّلاَمُ عَلَى سَيِّدِنَا مُحَمَّدٍ وَعَلَى آلِهِ وَصَحْبِهِ وَالتَّابِعِيْنَ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنَ، أَمَّا بَعْدُ

فَيَا عِبَادَ اللّٰهِ، أُوْصِيْكُمْ وَنَفْسِيْ بِتَقْوَى اللّٰهِ فَقَدْ فَازَ الْمُتَّقُوْنَ، وَأَحُسُّكُمْ عَلَى طَاعَتِهِ لَعَلَّكُمْ تُرْحَمُوْنَ. قَالَ اللّٰهُ تَعَالَى فِي الْقُرْآنِ الْعَظِيْمِ: أَعُوذُ بِاللّٰهِ مِنَ الشَّيْطَانِ الرَّجِيمِ، بِسْمِ اللّٰهِ الرَّحْمٰنِ الرَّحِيْمِ: يٰٓاَيُّهَا الَّذِيْنَ اٰمَنُوا اتَّقُوا اللّٰهَ حَقَّ تُقٰىتِهٖ وَلَا تَمُوْتُنَّ اِلَّا وَاَنْتُمْ مُّسْلِمُوْنَ

Jamaah shalat Idul Fitri ingkang minulya

Sedaya puji namung kagunganipun Allah ta’ala, ingkang sampun maringi kita kathah kanugrahan, ngantos kita mboten saget ngetung sedaya peparing saking Allah ingkang sampun kita tampi. Langkung-langkung wonten ing dinten menika, kita pinaringan nikmat, arupi saget makempal sareng-sareng kulawarga, sedherek, ugi umat Muslim kanthi awak ingkang sehat wal afiat lan ati kang bungah.

Sebab dinten menika kita sami ngraya’ake Idul Fitri utawi dinten riyaya, dinten ingkang kathah berkah saha rasa bungah. Pramila, sedaya nikmat punika mangga kita syukuri kelawan lisan, ati, saha tumindhak becik. Mugi-mugi kita sedaya kalebet tiyang ingkang syukur dhateng Allah ta’ala.

Wonten ing pambuka khutbah ingkang minulya punika, kepareng khatib ngaturaken pepeling kagem kita sedaya. Manggaha kita tansah ningkataken takwa kita, kelawan ninda’ake perintahe Gusti saha nebihi sedaya awisane. Mugi-mugi kita sedaya kalebet golongan ingkang angsal ridha saking Gusti Allah ta’ala. Dhawuhipun Allah ta’ala:

وَتَزَوَّدُوْا فَاِنَّ خَيْرَ الزَّادِ التَّقْوٰىۖ وَاتَّقُوْنِ يٰٓاُولِى الْاَلْبَابِ

Artosipun, “Pada (gawa) sanguha sira kabeh, mangka setuhune luwih bagus-baguse sangu, yaiku takwa marang Allah. Lan padha takwaha sira kabeh ing Ingsun (Allah), hei wong kang padha duweni akal.” (Surat Al-Baqarah ayat 197).

اَللّٰهُ أَكْبَرُ اَللّٰهُ أَكْبَرُ اَللّٰهُ أَكْبَرُ لَآ اِلٰهَ إِلاَّ اللّٰهُ، وَاللّٰهُ أَكْبَرُ، اَللّٰهُ أَكْبَرُ وَلِلّٰهِ اْلحَمْدُ

Jamaah shalat Idul Fitri rahimakumullah

Nembe mawon, kita sampun rampung nglampahi ibadah pasa ing wulan Ramadhan. Ibadah pasa punika, gadahi tujuan supados kita dados tiyang ingkang saget ngeker hawa nafsu saha mbersihake lahir lan batin. Ugi supados kita dados tiyang kang paripurna, inggih punika tiyang kang iman lan takwa marang Allah Swt.

Iman lan takwa punika kedah dipun buktiaken, kanthi nglampahi amal ibadah kang istiqamah lan ikhlas. Menika, kados ingkang sampun asring kita aturke saben dinten nalika maos doa iftitah ing shalat:

إِنَّ صَلَاتِى وَنُسُكِى وَمَحْيَاىَ وَمَمَاتِى لِلّٰهِ رَبِّ ٱلْعَٰلَمِينَ

Artosipun, “Saktemene shalat ingsun, ibadah ingsun, urip ingsun, lan mati ingsun iku namung kagem Gusti Allah, kang Mengerani sedaya alam kabeh.”

Kanthi ibadah pasa, ugi saget dadosaken kita tiyang kang paripurna ing dalem ngugemi agama, tegese gadahi perubahan sifate, saking sifat kang awon dados becik.

Jamaah shalat Idul Fitri rahimakumullah

Perubahan sifat kang awon dados becik punika pratandhane tiyang kang mukmin, kados dene salah setunggale kisah ing zaman Kanjeng Nabi Muhammad saw. Wonten sakwijining dina, wonten tiyang ingkang dereng mlebet agami Islam, sowan dhateng Kanjeng Nabi.

Kanjeng Nabi lajeng maringi suguhan arupi susu, ingkang dipun unjuk kalian tamune wau. Nalika, susune ing gelas sampun telas, Kanjeng Nabi maringi malih susu, lan dipun telaske ngantos dumugi pitu (7) gelas lan akhire tamu punika pamit kondur.

Lajeng, wonten ing wekdal sanese, tamu menika sowan malih dhateng Kanjeng Nabi. Ananging wonten ing wekdal sakmenika, piyambake sampun mlebet agami Islam. Dipun suguh malih sakgelas susu. Lajeng dipun unjuk kalian tamu. Badhe dipun suguhi malih. Tamu ingkang sampun dados sahabat punika malah mboten kersa ngunjuk malih.

Piyambake matur, punika sak gelas susu sampun cekap. Lajeng Kanjeng Nabi paring pangandikan:

الْمُؤْمِنُ يَشْرَبُ فِي مِعًى وَاحِدٍ وَالْكَافِرُ يَشْرَبُ فِي سَبْعَةِ أَمْعَاءٍ

Artosipun, “Wong mukmin, iku (ngrasa cukup) ngombe ing dalem siji (gelas) banyu, lan anapun wong kafir iku (bakal krasa nembe puas) ngombe ing pitu (gelas) pira-pira banyu.” (Riwayat Imam Muslim).

Kisah punika maringi kita pelajaran, mestine bakal kathah perubahan, nalika tiyang kang taksih duweni sifat jahiliyah lajeng dados tiyang kang mukmin. Sifat tamak berubah dados sifat qanaah.

Pramila, mestine ugi tumerap tiyang kang sampun rampung nglampahi ibadah pasa, bakal wonten perubahan sifat kang langkung sahe, tinimbang sakderenge pasa.

Sebab kanthi ngeker saking perkara kang mbatalake pasa, paling mboten kita saget jaga saking tiga perkawis kang saget dados sumbere mala. Kanjeng Nabi Muhammad saw sampun paring pangandikan:

إِنَّ مِمَّا أَخْشَى عَلَيْكُمْ شَهَوَاتِ الْغَيِّ فِي بُطُونِكُمْ وَفُرُوجِكُمْ وَمُضِلَّاتِ الْهَوَى

Artosipun, “Saktemene ingsun (Kanjeng Nabi) iku khawatir ingatase sliramu kabeh, saking pira-pira syahwat ing dalem weteng lan farjine sira kabeh, lan hawa nafsu kang bakal nyasarke.” (HR Ahmad).

Sampun ngantos kita dados budak hawa nafsu ing akhire gadah sifat konsumerisme, tamak, lan sapadhane. Utawi mboten saget jaga farji, ing akhire kathah sanget fenomena perselingkuhan, zina, seks bebas, lan liya-liyane. Na’udzubillahi min dzalik. Tiyang ingkang uripe namung nuruti hawa nafsu bakal angsal siksa saking Gusti. Dhawuhipun Allah swt:

وَيَوْمَ يُعْرَضُ الَّذِيْنَ كَفَرُوْا عَلَى النَّارِۗ اَذْهَبْتُمْ طَيِّبٰتِكُمْ فِيْ حَيَاتِكُمُ الدُّنْيَا وَاسْتَمْتَعْتُمْ بِهَاۚ فَالْيَوْمَ تُجْزَوْنَ عَذَابَ الْهُوْنِ بِمَا كُنْتُمْ تَسْتَكْبِرُوْنَ فِى الْاَرْضِ بِغَيْرِ الْحَقِّ وَبِمَا كُنْتُمْ تَفْسُقُوْنَࣖ

Artosipun, “Ana ing dina wong-wong kafir den suguhake (weruhake) neraka. Dheweke mahu padha den ngendikani: sira kabeh wis padha anelasake kesenengan ira kabeh ana ing dunya, sarana anggon ira kabeh katungkul seneng-seneng sakjerone urip ana ing alam dunya. Mula ana ing dina iki, sira kabeh diwales rupa siksa kang ina, sebab anggon ira kabeh padha gumedhe ana ing bumine Allah, tanpa alesan sing bener. Lan uga sebab anggon sira kabeh padha fasik,” (Surat Al-Ahqaf ayat 20).

اَللّٰهُ أَكْبَرُ اَللّٰهُ أَكْبَرُ اَللّٰهُ أَكْبَرُ لَآ اِلٰهَ إِلاَّ اللّٰهُ، وَاللّٰهُ أَكْبَرُ، اَللّٰهُ أَكْبَرُ وَلِلّٰهِ اْلحَمْدُ

Jamaah shalat Idul Fitri rahimakumullah

Tiyang ingkang saget mengendalikan hawa nafsu, piyambake bakal dados tiyang kang bersih, begja lan slamet utawi ingkang dipun wastani fitrah. Kanthi fitrah menika, kita bakal angsal kabegjan lan kesuksesan lahir batin. Lan kangge mensyukuri nikmat punika, mangga kita ngathah-ngathahaken maos takbir lan dzikir, ngagungake asmane Allah.

Mekaten atur khutbah wonten ing kesempatan menika. Kangge mungkasi khutbah punika, mangga kita tansah dedunga. Mugi-mugi kita sedaya didadosaken Allah ta’ala, kalebet tiyang ingkang takwa, begja dunya lan akhirat. Dingapura sedaya dosa kita. Ditampi sedaya amal ibadah kita. Lan mugi-mugi kita dikempalke Allah sareng keluarga, guru-guru kita, lan Kanjeng Nabi Muhammad saw wonten ing suwarganipun Allah ta’ala. Amin. Allahumma amin.

جَعَلَنَا اللّٰهُ وَاِيَّاكُمْ مِنَ اْلعَائِدِيْنَ وَاْلفَائِزِيْنَ وَاْلمَقْبُوْلِيْنَ، وَاَدْخَلَنَا وَاِيَّاكُمْ فِى زُمْرَةِ عِبَادِهِ الصَّالِحِيْنَ، اَقُوْلُ قَوْلِى هَذَا وَاسْتَغْفِرُ اللّٰه لِى وَلَكُمْ، وَلِوَالِدَيْنَا وَلِسَائِرِ اْلمُسْلِمِيْنَ وَاْلمُسْلِمَاتِ، فَاسْتَغْفِرهُ اِنَّهُ هُوَاْلغَفُوْرُ الرَّحِيْمُ

Khutbah II

اَللّٰهُ أَكْبَرُ اَللّٰهُ أَكْبَرُ اَللّٰهُ أَكْبَرُ، اَللّٰهُ أَكْبَرُ اَللّٰهُ أَكْبَرُ اَللّٰهُ أَكْبَرُ، اَللّٰهُ أَكْبَرُ اَللّٰهُ أَكْبَرُ اَللّٰهُ أَكْبَرُ، اَللّٰهُ أَكْبَرُ كَبِيْرًا وَالْحَمْدُ لِلّٰهِ كَثِيْرًا وَسُبْحَانَ اللّٰهِ بُكْرَةً وَأَصِيْلاً، لَآ اِلٰهَ اِلَّا اللّٰهُ وَاللّٰهُ أَكْبَرُ، اَللّٰهُ أَكْبَرُ وَلِلّٰهِ الْحَمْدُ

اَلْحَمْدُ لِلّٰهِ وَكَفَى، وَأُصَلِّيْ وَأُسَلِّمُ عَلَى سَيِّدِنَا مُحَمَّدٍ الْمُصْطَفَى، وَعَلَى آلِهِ وَأَصْحَابِهِ أَهْلِ الصِّدْقِ الْوَفَا. أَشْهَدُ أَنْ لَآ اِلٰهَ اِلَّا اللّٰهُ وَحْدَهُ لَا شَرِيْكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ. أَمَّا بَعْدُ

فَيَا أَيُّهَا الْمُسْلِمُوْنَ، أُوْصِيْكُمْ وَنَفْسِيْ بِتَقْوَى اللّٰهِ وَطَاعَتِهِ لَعَلَّكُمْ تُفْلِحُوْنَ. وَاعْلَمُوْا أَنَّ اللّٰهَ أَمَرَكُمْ بِأَمْرٍ عَظِيْمٍ، أَمَرَكُمْ بِالصَّلَاةِ وَالسَّلَامِ عَلَى نَبِيِّهِ الْكَرِيْمِ فَقَالَ: إِنَّ اللّٰهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا. اَللّٰهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيْمَ وَعَلَى آلِ سَيِّدِنَا إِبْرَاهِيْمَ وَبَارِكْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا بَارَكْتَ عَلَى سَيِّدِنَا إِبْرَاهِيْمَ وَعَلَى آلِ سَيِّدِنَا إِبْرَاهِيْمَ، فِيْ الْعَالَمِيْنَ إِنَّكَ حَمِيْدٌ مَجِيْدٌ. اَللّٰهُمَّ اغْفِرْ لِلْمُسْلِمِيْنَ وَالْمُسْلِمَاتِ والْمُؤْمِنِيْنَ وَالْمُؤْمِنَاتِ الْأَحْيَاءِ مِنْهُمْ وَالْأَمْوَاتِ. اَللَّهُمَّ ادْفَعْ عَنَّا الْبَلَاءَ وَالْغَلَاءَ وَالْوَبَاءَ وَالْفَحْشَاءَ وَالْمُنْكَرَ وَالْبَغْيَ وَالسُّيُوْفَ الْمُخْتَلِفَةَ وَالشَّدَائِدَ وَالْمِحَنَ، مَا ظَهَرَ مِنْهَا وَمَا بَطَنَ، مِنْ بَلَدِنَا هَذَا خَاصَّةً وَمِنْ بُلْدَانِ الْمُسْلِمِيْنَ عَامَّةً، إِنَّكَ عَلَى كُلِّ شَيْءٍ قَدِيْرٌ. اَللَّهُمَّ تَقَبَّلْ مِنَّا صَلَاتَنَا وَصِيَامَنَا وَقِيَامَنَا وَسَائِرَ أَعْمَالِنَا وَتَمِّمْ تَقْصِيْرَنَا فِيْ رَمَضَانَ وَاجْعَلْنَا مِمَّنْ يُقِيْمُهَا وَيُدِيْمُهَا وَيُحْيِيْهَا بَعْدَهُ بِرَحْمَتِكَ يَا أَرْحَمَ الرَّاحِمِيْنَ. وَالْحَمْدُ لِلّٰهِ رَبِّ الْعَالَمِيْنَ

عِبَادَ اللّٰهِ، إنَّ اللّٰهَ يَأْمُرُ بِالْعَدْلِ وَالْإحْسَانِ وَإِيْتَاءِ ذِي الْقُرْبَى ويَنْهَى عَنِ الفَحْشَاءِ وَالْمُنْكَرِ وَالبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذكُرُوا اللّٰهَ الْعَظِيْمَ يَذْكُرْكُمْ وَلَذِكْرُ اللّٰهِ أَكْبَرُ

Download PDF

Ustadz Ajie Najmuddin, Sekretaris MWCNU Banyudono Boyolali

Editor : Muhammad Muchlis

The post Khutbah Idul Fitri 1446 H Bahasa Jawa: Pratandhane Tiyang Mukmin, Gadahi Sifat Langkung Becik Sakbibare Ramadhan appeared first on Suara NU.