الحمد لله الذي كتب للشهداء أعلى الجنان، وللمدافعين عن أوطانهم النصر والرضوان، وأشهد أن لا إله إلا الله وحده لا شريك له، وأشهد أن سيدنا ونبينا محمدا عبد الله ورسوله، اللهم صل وسلم وبارك على سيدنا ونبينا محمد وعلى آله وصحبه أجمعين، وعلى من تبعهم بإحسان إلى يوم الدين.

أما بعد: فأوصيكم عباد الله ونفسي بتقوى الله، قال تعالى: (يا أيها الذين آمنوا اصبروا وصابروا ورابطوا واتقوا الله لعلكم تفلحون). صدق الله العظيم.

Jama’ah shalat Jum’at hafizhakumuLlaah,

Ngawiti khutbah menika, mangga kita sareng-sareng ningali awak kita kanti niat ningkataken taqwa kita dateng Gusti Allaah. Taqwa tegesipun nindaaken sedaya dawuh Gusti Allaah lan nebihi sedaya awisanipun.

Ningkataken taqwa kedah dipun dasari rumaos bilih kita tansah pinaringan nikmat lan kanugerahan ingkang ageng sanget saking Gusti Allaah. Nikmat lan kanugerahan punika terus tambah nalika kita estu-estu waget syukur serta ngulinaaken lisan kita ngucap AlhamduliLlaahi Rabbil ‘aalamiin.

Jama’ah shalat Jum’at hafizhakumuLlaah,

Ing antawisipun nikmat saking Gusti Allaah inggih punika raos aman lan nyaman, eca lan sekeca. Raos aman lan nyaman, eca lan sekeca katitik kita diparingi cekap sandang, pangan, papan tuwin sederek, tangga lan rencang ugi lantaran negara lan bangsa ingkang merdeka. Minangka warga negara, kita kaparingan hak keamanan, pendidikan, pelayanan umum lan lintu-lintunipun. Sedaya nikmat menika  kedah kita syukuri keranten tanpa nikmat kasebat kita boten waget nindaaken ngibadah kanti merdeka.

Kahanan merdeka dados jalaran kita saget kanti gampil ngelaksanaaken syi’ar Islam lan nerasaken dakwah Islam ingkang tegesipun nyelametaken, boten namung nyelametaken awak kita piyambak-piyambak nanging ugi nyelametaken masyarakat saking kekufuran; kufur aqidah tuwin kufur nikmat. Ningali sejarah, sejatosipun kamardikan negari kita lan kemanananipun dumugi kasunyatan saat menika, Indonesia dipun landasi Kapengeranan lan Kamanungsan (Pancasila) ingkang kita jalaran jasa Para Pahlawan, milai saking Ulama, Para Satria tuwin sedaya warga Bangsa Indonesia.

Para Pahlawan kita berjuang ngantos nggetih merjuangaken lan nglestantunaken Negara Kesatuan Republik Indonesia (NKRI) hingga kados ingkang kita raosaken menika. Boten wonten perjuangan ingkang nuwuhaken hasil sampurna kados perjuanganipun Kanjeng Nabi Muhammad shallaLlaahu ‘alaihi wasallam ingkang ngantos sakmenika dereng rampung. Minangka warga bangsa, perjuangan ingkang kedah dipun laksanaaken inggih punika ngisi kamardikan saksahe-sahenipun ing babagan punapa kemawon; pendidikan, sosial budaya, politik lan ekonomi; boten kanti ngrubah lan ngrisak Pemerintahan Negara ingkang sampun dipun mufakati.

Jama’ah shalat Jum’at hafizhakumuLlaah,

Para Syahid ingkang wafat merjuangaken Indonesia sampun marisaken tulada bilih Trisna dateng Agami lan Trisna dateng Negari langkung awis tinimbang trisna dateng dunya sakisinipun;

حب الوطن من الإيمان

“Trisna dateng Negari bagian saking Iman”

Dangu sakderengipun Hadratussyaikh KH. Hasyim Asy’ari lan para pejuang sanesipun, Kanjeng Nabi Muhammad shallaLlaahu ‘alaihi wasallam sampun maringi tulada perjuangan ingkang sami kanti ambangun dasar negari ingkang anjalari raketipun bangsa lan dipun wastani ميثاق المدينة utawi Piagam Madinah.

Hal menika ing antawisipun keranten trisnanipun Kanjeng Nabi Muhammad shallaLlaahu ‘alaihi wasallam dateng negari lan bangsanipun, kados ingkang dawuhipun ingkang dipun riwayataken dening Sahabat Ibnu ‘Abbas radhiyaLlaahu ‘anhu:

ما أطيبك من بلدة وأحبك إلي، ولولا أن قومي أخرجوني منك، ما سكنت غيرك

Artosipun: “Sahe sanget Panjenengan (Makkah) minangka negari, lan Panjnengan minangka negari ingkang paling kula trisnani. Menawi kaum kula boten ngusir kula saking Panjenengan, mangka kula boten manggen ing negari saklintunipun Panjenengan.” (HR. Ibnu Hibban).

Jama’ah shalat Jum’at hafizhakumuLlaah,

Kangge upaya mujudaken masyarakat ingkang ngugemi adab, Kanjeng Nabi Muhammad shallaLlaahu ‘alaihi wasallam minangka pemimpin agami tuwin negari ngecakaken tatanan bangsa lan negari adedasar tuntunan saking Gusti Allaah Subhaanahu wa Ta’alaa.  Syariat Islam ngatur syarat-syarat dados pemimpin lan perkawis-perkawis ingkang dipun tegakaken kangge mujudaken maslahat utawi kesahenan dunya lan akhirat, boten ngatur kados pundi gantosipun pemimpin lan bentuk pemerintahan. Hal menika ketawis ing kados pundi gantosipun pemimpin lan bentuk pemerintahan Khulafaur Rasyidin milai saking Khalifah Sayyidunaa Abu Bakr As-Shiddiq dumugi Khalifah Sayyidinaa ‘Ali bin Abi Thalib.

Dumugi mlebet zaman dinasti utawi kerajaan nalika Khalifah Mu’awiyah ngantos runtuhipun Dinasti Turki Utsmani lan dipun susul wontenipun Negara Bangsa utawi nation state keranten ewetipun ngempalaken wilayah-wilayah muslim ing setunggal kepemimpinan, wondene pakulinan perang lan rebutan kuasa kedah dirampungi keranten boten bakal ngiataken perdamaian lan saben-saben ingkang sama rebutan kuasa boten wonten ingkang kawon lan boten wonten ingkang menang.

Langkung-langkung ing zaman modern menika, saben-saben negari nggadahi cara utawi teknologi pertahanan ingkang benten kalian sakderengipun, malah kathah negari ingkang gadah senjata pemusnah massal utawi ingkang aran nuklir ingkang menawi diginaaken waget njalari runtuhipun menungsa lan sedaya perkawis ingkang wonten.

Saksampunipun Turki Utsmani runtuh, para ‘Aliim Fiqh (Fuqaha’) mufakat bilih gantosipun pemimpin ing saben wilayah utawi negari tanpa diatur dening setunggal kepemimpinan dunia. Semanten ugi Para ‘Aliim ingkang ngedekaken NKRI. Mujudaken perdamaian dipun kiataken dening mufakatipun bangsa-bangsa ngicalaken wontenipun budak ing bumi pundi kemawon. Senajan mekaten, babagan budak ingkang ugi wonten ing sebagian kitab-kitab turats utawi Kitab Kuning ing zaman khalifah boten sami kalian tradisi keilmuan para ‘aliim ingkang malah ngiataken pemanggih bilih politik kekuasaan boten estu ngrampungi sedaya masalah.

Hal menika waget dipun pirsani ing kitab Fathul Mu”in babagan Jihad anggitan ulama India, Syaikh Zainuddin Al-Malibari ingkang suraosipun boten ngrumiyinaken jihad perang ngelawan tiyang kafir, nanging ngrumiyinaken ikhtiar ing babagan thalabul ‘ilmi kados nglestantunaken madrasah, majlis ta’lim,,sekolah, mbela tiyang alit lan mazhlum, nggiataken amr ma’ruf nahi munkar, lan sakterasipun. Para ‘aliim kagungan pemanggih bilih jihad sanes “kewajiban tujuan/ghaayah”, nanging “kewajiban perantara/wasilah” kados dene bilih perang menika ingkang dipun tuju inggih punika “hidayah”.

Menawi ngaturaken dalil kasebat ing nginggil menika waget dados lantaran pikantuk hidayah mila dalil menika langkung utami tinimbang jihad utawi perang. Walisongo ing tanah Jawi sampun maringi tulada dakwah ingkang estu dados jalaran hidayah utawi syahadatipun tiyang-tiyang hingga Indonesia dados negari muslim paling ageng sak ngalam dunya. Mila, Indonesia kanti dados pemerintahan negari kados sakmenika minangka lantaran (wasilah) dumugeaken hidayah kados dene kerajaan ingkang werni-werni corakipun nalika zaman khalifah ingkang ugi dados lantaran (wasilah), sanes tujuan (ghayah).

Jama’ah shalat Jum’at hafizhakumuLlaah,

Trisna dateng negari (hubbul wathan) menika boten dados fanatisme golongan utawi ‘ashabiyah/ta’asshub kados ingkang dilampahi dening bangsa-bangsa zaman jahiliyah. Hubbul Wathan inggih punika kados pundi perlunipun menungsa nggadahi panggenan ingkang ece sekeca, aman lan ayem tentrem. Menawi masyarakat ngraosaken eca sekeca, aman lan ayem tentrem mangka pendidikan bade majeng sahe. Sakwalikipun, menawi masyarakat ngraosaken boten aman lan ayem tentrem, pendidikan boten bade majeng kanti sahe.

Pendidikan ingkang leres lan sahe dados jalaran gumregahipun umat menungsa tanpa ningali kados pundi bentuk pemerintahan negari-nipun; bade kerajaan,dinasti utawi republik sami mawon. Pendidikan njalari pinten-pinten perkawis; politik, hukum tuwin ekonomi. Pendidikan Islam ingkang leres lan sahe dipun dukung dening persatuan (ko-eksistensi) antawisipun para warga negari kanti payung NKRI, mila bade nuwuhaken kemajengan kangge Bangsa Indonesia samangkih.

Al-Qur’an Al-Kariim sampun ngemutaken pentingipun persatuan kanti payung agami, kalebet ing hal menika nun inggih mufakatipun para ‘aliim lan pejuang bangsa Indonesia kados ingkang dipun dawuhaken ing Al-Qur’an:

واعتصموا بحبل الله جميعا ولاتفرقوا واذكروا نعمة الله عليكم إذ كنتم أعداء فألف بين قلوبكم فأصبحتم بنعمته إخوانا وكنتم على شفا حفرة من النار فأنقذكم منها كذالك يبين الله لكم آياته لعلكم تهتدون.

Artosipun: Tetanggenana sira kabeh kanti tali (agama) Allaah lan aja pada pisah-pisah, lan elinga nikmat Allaah kanggo sira kabeh nalika biyen (zaman jahiliyah) pada musuhan, nuli Allaah nepungake ati atimu mangka sira kabeh dadi kanti nikmat Allaah pada seduluran; lan sira wis pada ana ing pinggire jurang neraka, nuli Allaah nyelametake sira kabeh saking neraka. Mengkono iku Allaah nerangake ayat-ayate kanggo sira kabeh, supaya sira kabeh oleh pituduh. (QS. Ali Imron: 103).

Mekaten khutbah ingkang waget kula aturaken. Mugi dados ilmu ingkang manfaat lan kita sedaya pinaringan ridha lan taufiq saking ngarsa Allaah Subhaanahu wa Ta’alaa ing dalem ngiataken syi’ar agama Islam kanti semangat persatuan lan kesatuan NKRI ingkang kita trisnani.  Aamiin ya Rabbal ‘alamiin.

نفعني الله وإياكم بالقرآن العظيم وبسنة نبيه الكريم صلى الله عليه وسلم.  أقول قولي هذا واستغفر الله لي ولكم، فاستغفروه إنه هو الغفور الرحيم.

The post Khutbah Jum’at PCNU Kab. Magelang, 6 Juni 2025 M. /9 Dzulhijjah 1446 H – SYUKUR HUBBUL WATHAN appeared first on Suara NU.

Khutbah I

السَّلَامُ عَلَيْكُمْ وَرَحْمَةُ اللهِ وَبَرَكَاتُهُ

اللهُ أَكْبَرُ  اللهُ أَكْبَرُ  اللهُ أَكْبَرُ  اللهُ أَكْبَرُ  اللهُ أَكْبَرُ  اللهُ أَكْبَرُ  اللهُ أَكْبَرُ  اللهُ أَكْبَرُ  اللهُ أَكْبَرُ  اللهُ أَكْبَرُ 

إنَّ الْحَمْدَ لِلهِ نَحْمَدُهُ وَنَسْتَعِينُهُ وَنَسْتَغْفِرُهُ، وَنَعُوذُ بِاللهِ مِنْ شُرُورِ أَنْفُسِنَاوَمِنْ سَيِّئَاتِ أَعْمَالِنَا، مَنْ يَهْدِهِ اللهُ فَلاَ مُضِلَّ لَهُ، وَمَنْ يُضْلِلْ فَلاَ هَادِىَ لَهُ، وَأَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيكَ لَهُ، وَأَشْهَدُ أَنَّ مُحَمَّدًاعَبْدُهُ وَرَسُولُهُ

وَالصَّلَاةُ وَالسَّلَامُ عَلَىالنَّبِيِّ الْمُصْطَفَىسَيِّدِنَامُحَمَّدٍ وَعَلَىأَلِهِ وَصَحْبِهِ أَهْلُ الصِّدْقِ وَالْوَفَاءِ، أَمَّابَعْدُ

فَيَاعِبَادَ اللهِ، أُوْصِينَفْسِيوَإِيَّاكُمْ بِتَقْوَىاللهِ وَطَاعَتِهِ، فَمَنِ اتَّبَعَ الْهُدَىوَاتَّقَىفَقَدْ أَفْلَحَ وَفَازَ، إِنَّ اللهَ لَايُخْلِفُ الْمِيْعَادَ. وَقَالَ تَعَالَى:  إِنَّ لِلْمُتَّقِينَ مَفَازًا، حَدَائِقَ وَأَعْنَابً

Puji lan syukur kita panjataken wonten ngarsa Gusti Allaah Subhaanahu wa Ta’aalsa atas sedaya kanugerahan ingkang boten bakal saget kapetang, sahe arupi kanikmatan ngkang lahir tuwin kenikmatan batin utaminipun kanugerahan Iman lan Islam ingkang dados nuur pitedah gesang kita.

Welas Asih Pengagungan lan Keselametan saking ngarsa Gusti Allaah tansah kaparingaken dateng junjungan kita Kanjeng Nabi Muhammad shallallsahu ‘alaihi wa sallam, para keluarga lan para shahabatipun ingkang pinilih minangka tulada ngelampahi Agami Islam.

Jama’ah Shalat Idul Adha rahimakumuLlaah…

Mangga kita sareng-sareng tansah ningkataken taqwa kita dumateng Gusti Allaah Subhaanahu wa Ta’alaa kanti estu-estu anggenipun ngelaksanaaken sedaya dawuhipun lan nebihi sedaya awisanipun. Namung Taqwa kita dateng Gusti Allaah ingkang saget dados sangu gesang ing akhirat benjang. Namung kanti Taqwa menika kita pikantuk kawilujengan ing dunya lan akhirat.

Ma’asyiral muslimin wal muslimat hafidzakumullah…

Dinten menika dinten Jum’at. Dinten menika inggih dinten Riyaya Idul Adha ingkang ugi kawastanan Riyaya Qurban, dinten ingkang agung, dinten kangge mrengeti peristiwa ageng Nabi Ibrahim lan ingkang Putra Nabi Ismail alaihimas salaam.

Kados riwayat ingkang masyhur bilih puncak saking peristiwa menika inggih Nabi Ismail alaihis salaam kersa lan pasrah dipun sembelih dening ramanipun, Nabi Ibrahim alaihis salaam kados dawuhipun Gusti Allaah dateng Nabi Ibrahim.

Nabi Ibrahim lan Nabi Ismail alaihimas salaam wantun, kersa lan ridha ngelaksanaaken perintahipun Gusti Allaah menika inggih namung keranten Taqwa dateng Gusti Allaah Subhaanahu wa Ta’alaa, boten keranten sanesipun. Taqwa ngkang wonten ing manah Panjenenganipun kekalih waget nguwasani lan ngalahaken sedaya perkawis dunya ingkang tansah narik dateng kepinginan utawi hawa nefsunipun Nabi Ibrahim lan Nabi Ismail minangka manungsa limrah.

Manungsa dados makhluq ingkang paling sempurna tinimbang makhluq sanesipun, boten namung saking arah raganipun nanging ugi saking arah bilih manungsa kanugerahan akal lan nafsu utawi kepinginan.

Mila, menawi manungsa ingkang tansah ngutamaaken Taqwa lan waget istiqamah, jejek lan estu-estu ngelaksanaaken perintah-perintahipun Gusti Allaah Subhaanahu wa Ta’alaa, piyambakipun waget estu-estu dados makhluq ingkang derajatipun mulya ngungkuli malaikat.

Kosokwangsulipun, menawi manungsa menika kawon kalian hawa nafsunipun hingga tebih saking tha’at lan asring ngelampahi dosa utawi maksiat, piyambakipun dados manungsa awon, asor lan ina; derajatipun langkung asor lan ina tinimbang iblis. Na’uudzi biLlaah min dzaalik…

Jama’ah Shalat Iedul Adha rahimakumuLlaah…

Saklajengipun, kados pundi lan menapa ingkang kita pilih; bade nuruti manah taqwa ingkang leres lan sahe ingkang ngajak dateng tha’at kanti nuur Iman lan Islam ingkang ndumugeaken dateng selamet, beja lan mulya dunya akhirat utawi bade nuruti hawa nafsu ingkang lepat lan awon ingkang ngajak dateng maksiat lan njerumusaken dateng kasengsaran lan kapitunan dunya akhirat.

Kita sampun mangertosi napa lan pundi ingkang kedah kita utamaaken. Namung kemawon kita tasih asring kesasar; langkung asring nuruti utawi kebujuk dening hawa nafsu tinimbang nuruti manah ingkang taqwa ingkang ngajak dateng tha’at.

Imam al-Bushiri ing Qasidah al-Burdah ngendikaaken:

وَالنَّفْسُ كَالطِّفْلِ إِنْ تُهْمِلْهُ شَبَّ عَلَى ۞ حُبِّ الرَّضَاعِ وَإِنْ تَفْطِمْهُ يَنْفَطِمِ

Artosipun: “Nafsu kaya dene bayi, yen sira jarke, arep tetep seneng nyusu. Yen sira sapih, arep bisa gelem leren nyusu.”

Bayi kedah dipun latih lan dipun biasaaken supados waget dipun sapih hingga boten nyusu ngantos langkung umur kalih tahun.

Hawa nefsu ugi mekaten, ibarat bayi utawi lare alit, kedah dipun latih lan dipun biasaaken supados boten sakkarepipun piyambak lan supados boten nerak aturan, langkung-langkung aturan agami Islam utawi syariat.

Hal menika penting sanget kita terapaken ing sedaya perkawis langkung-langkung babagan dunya utawi kadunyan. Ing antawisipun perkawis dunya inggih anak. Boten sekedik tiyang ingkang sama mbanggaaken anak ing babagan dunyanipun; pinter nyambut damel, sugih bandha, pangkat inggil, sakterasipun ananging babagan agami kirang utawi boten dipun gatosaken. Hal menika sampun dipun wanti-wanti Al-Qur’an ing Surah AlHadid ayat 20:

اعْلَمُواأَنَّمَاالْحَيَاةُ الدُّنْيَالَعِبٌ وَلَهْوٌ وَزِينَةٌ وَتَفَاخُرٌ بَيْنَكُمْ وَتَكَاثُرٌ فِيالْأَمْوَالِ وَالْأَوْلَادِ

Artosipun: “Ngertiha seliramu kabeh yen anging pestine urip dunya iku mung dolanan, guyon, lan hiasan, lan sing sapa wonge ing antarane seliramu kabeh anggak-anggakan sarta akeh-akehan banda dunya lan keturunan.”

Mila, Nabi Ibrahim alaihis salaam nalika dipun perintah nyembelih putranipun Nabi Ismail menika boten namung ujian tha’at kemawon nanging ugi latihan kangge nguasani hawa nefsu utawi kepinginan dateng perkawis dunya; milih tha’at dateng perintah Gusti Allaah lan ngutamaaken Iman Islamipun utawi kawon dateng trisnanipun dateng ingkang Putra.

Ing saklajengipun Nabi Ibrahim lan Nabi Ismail alaihimas salaam lulus lan waget ngelaksanaaken ujian saking Gusti Allaah Subhaanahu wa Ta’alaa.

Kedadosan menika kita dadosaken tuladha lan patokan kangge ngadepi sedaya masalah ingkang mawerni-werni supados kita selamet lan bagya mulya dunya akhirat.

Wonten ing Al-Qur’an Surah At-Taghaabun dipun dawuhaken:

إِنَّمَاأَمْوَالُكُمْ وَأَوْلَادُكُمْ فِتْنَةٌ وَاللَّهُ عِنْدَهُ أَجْرٌ عَظِيمٌ

Artinya: “Anging pestine banda-banda sira kabeh lan anak-anak sira kabeh iku fitnah (ujian), lan ing ngarsane Gusti Allaah ana ganjaran kang agung.”

Syekh Wahbah az-Zuhaili ing Kitab Tafsir Al-Munir (juz 28 hal. 257) ngendikaaken bilih banda lan anak ugi bojo dados ujian. Nalika manungsa langkung kathah nuruti dunya tanpa nggatosaken Syariat utawi aturanipun Gusti Allaah lan RasuluLlah, mangka manungsa menika dados musuhipun agami Islam lan bakal kapitunan tuwin sengsara dunya akhirat. Na’uudzu biLlaah min dzaalik…

Mangga sedaya perkawis dunya kita lampahaken kanti netepi aturan utawi syariat ingkang sampun kita tampi saking Kanjeng Nabi Muhammad shallaLlaahu alaihi wasallam.

Dawuhipun Kanjeng Nabi Muhammad shallaLlaahu alaihi wasallama:

أَلاَ إِنَّ الدُّنْيَامَلْعُونَةٌ مَلْعُونٌ مَافِيهَاإِلاَّ ذِكْرُ اللهِ وَمَاوَالاَهُ وَعَالِمٌ أَوْ مُتَعَلِّمٌ

Artosipun: “Elinga saktemene dunya iku dilaknat, dilaknat apa wae kang ana ing dunya kejaba eling/dzikir marang Gusti Allaah lan apa wahe kang bisa ngarahake marang dzikir iku, sarta wong kang duwe ngilmu lan golek ngilmu.” (HR. Tirmidzi)

Saking dawuh menika saget dipun mangertosi bilih dzikir dateng Gusti Allaah inggih menika mangertosi perkawis ngkang leres lan sahe utawi dipun wastani ngilmu. Sakmestinipun ingkang dipun maksud inggih ngilmu Agami Islam. Mila Kanjeng Nabi dawuh bilih kita kedah tansah ngaos ngudi ngilmu sarta tansah ngamalaken kanti niat dzikir dateng Gusti Allaah.

Kanti Shalat ldul Adha, Riyaya Qurban lan nuladani Nabi Ibrahim lan Nabi Ismail alaihimas salaam menika, mugi Gusti Allaah tansah maringi pitulungan arupi kekiatan lan pitedah hingga kita waget nyembelih utawi mragat hawa nafsu utawi kepinginan-kepinginan kita numpuk-numpuk banda lan ngunggulaken perkawis dunya hingga kita waget ngelaksanaaken perintah-perintahipun Gusti Allaah lan nebihi awisan-awisanipun.

Mugi Gusti Allaah nglebetaken kita ing golonganipun tiyang-tiyang ingkang dipun ridhani Gusti Allaah Subhaanahu wa Ta’alaa lan syafa’atipun Kanjeng Nabi Muhammad shallaLlaahu alaihi wasallama, selamet, beja lan mulya dunya akhirat.

بَارَكَ اللهلِيوَلَكُمْ فِياْلقُرْآنِ اْلعَظِيْمِ وَنَفَعَنِيوَإِيَّاكُمْ بِمَافِيْهِ مِنَ اْلآيَاتِ وَذِكْرِ الْحَكِيْمِ.

أَقُوْلُ قَوْلِيهَذَافَأسْتَغْفِرُ اللهَ العَظِيْمَ

إِنَّهُ هُوَ الغَفُوْرُ الرَّحِيْمِ

Khutbah II

اللهُ أَكْبَرُ  اللهُ أَكْبَرُ اللهُ أَكْبَرُ اللهُ أَكْبَرُ اللهُ أَكْبَرُ اللهُ أَكْبَرُ اللهُ أَكْبَرُ  وَلِلَّهِ الْحَمْدُ

اَللهُ أكْبَرُ مَاذَكَرَهُ الذَّاكِرُوْنَ، اَللهُ أكْبَرُ مَاحَمِدَهُ الْحَامِدُوْنَ، اَللهُ أكْبَرُ مَاتَقَلَّبَ اللَّيْلُ وَالنَّهَارُ،اَللهُ أكْبَرُ فِيكُلِّ حَالٍ وَفِيسَائِرِ الظُّرُوْفِ وَالْأَحْوَالِ، اَللهُ أكْبَرُ مَاأَقْبَلَ التَّائِبُوْنَ إِلَىرَبِّهِمْ مُسْتَغْفِرِيْنَ، اَللهُ أكْبَرُ مَاتَجَلَّىاللهُ عَلَىعِبَادِهِ فِيهَذَاالشَّهْرِ الْمُبَارَكِ وَفِيسَائِرِ الشُّهُوْرِ وَالْأَيَّامِ بِالرَّحْمَةِ وَالْغُفْرَانِ

الحَمْدُ لِلَّهِ الَّذِيْ أَمَرَنَابِإِفْشَاءِ السَّلَامِ وَالصَّلَاةُ وَالسَّلَامُ عَلَىنَبِيِّنَامُحَمَّدٍ الْمَبْعُوْثِ إِلَىسَائِرِ الْأُمَمِ وَعَلَىأَلَهِ وَصَحْبِهِ الْمُتَمَسِّكِيْنَ بِدِيْنِ الْإِسْلَامِ۰ اَمَّابَعْدُ

فَيَاعِبَادَ ﷲ… اتَّقُوااللّٰهَ حَقَّ تُقٰىتِهٖ وَلَاتَمُوْتُنَّ اِلَّاوَاَنْتُمْ مُّسْلِمُوْنَ. قَالَ اللهُ تَعَالىفِيْ الْقُرْآنِ ﺍﻟْﻌَﻈِﻴْﻢِ:  ﺇِﻥَّ ﺍﻟﻠّٰﻪَ ﻭَﻣَﻼَﺋِﻜَﺘَﻪُ ﻳُﺼَﻠُّﻮْﻥَ ﻋَﻠَﻰﺍﻟﻨَّﺒِﻲِّ، ﻳَﺎﺃَﻳُّﻬﺎَ ﺍﻟَّﺬِﻳْﻦَ ﺀَﺍﻣَﻨُﻮْﺍﺻَﻠُّﻮْﺍﻋَﻠَﻴْﻪِ ﻭَﺳَﻠِّﻤُﻮْﺍﺗَﺴْﻠِﻴْﻤًﺎ

اَللّٰهُمَّ ﺻَﻞِّ ﻋَﻠَﻰسَيِّدِنَاﻣُﺤَﻤَّﺪٍ ﻭَﻋَﻠَﻰﺁلهِ وَصَحْبِهِ اَجْمَعِيْناَللّٰهُمَّ اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ، وَتَجَاوَزْ عَنْهُمْ السَيِّئَاتِ وَارْفَعْ لَهُمُ الدَّرَجَاتِ. اَللّٰهُمَّ أَصْلِحْنَاوَأَصْلِحْ أَحْوَالَنَا، وَأَصْلِحْ مَنْ فِيصَلَاحِهِمْ صَلَاحُنَاوَصَلَاحُ الْمُسْلِمِيْنَ، وَأَهْلِكْ مَنْ فِيهَلَاكِهِمْ صَلَاحُنَاوَصَلَاحُ الْمُسْلِمِيْنَ.

اَللّٰهُمَّ وَحِّدْ صُفُوْفَ الْمُسْلِمِيْنَ، وَارْزُقْنَاوَإِيَّاهُمْ زِيَادَةَ التَّقْوَىوَالْإِيْمَانِ. اَللّٰهُمَّ ارْزُقْنَاحُبَّكَ وُحُبَّ نَبِيِّكَ، وَحُبَّ مَنْ أَحَبَّكَ وَأَحَبَّ نَبِيَّكَ. اللَّهُمَّ ارْزُقْنَامُتَابَعَةَ نَبِيِّكَ وَالتَّمَسُّكَ بِكِتَابِكَ وَبِسُنَّةِ نَبِيِّكَ، وَلَاتَجْعَلْ مُصِيْبَتَنَافِيدِيْنِنَا، وَلَاتَجْعَلْ الدُنْيَاأَكْبَرَ هَمِّنَاوَلَامَبْلَغَ عِلْمِنَا، وَاجْعَلْ الجَنَّةَ هِيَ دَارُنَاوَقَرَارُنَا، وَلَاإِلَىالنَّارِ مَصِيْرُنَا

اَللهُ أكْبَرُ، اَللهُ أكْبَرُ،اَللهُ أكْبَرُ، لَاإِلهَ إِلَّااللهُ وَاللهُ أكْبَرُ، اَللهُ أكْبَرُ وَللهِ الْحَمْدُ

ثُمَّ السَّلَامُ عَلَيْكُمْ وَرَحْمَةُ اللهِ وَبَرَكَاتُهُ

Sumber :
PERGERAKAN MAHASISWA ISLAM INDONESIA (PMII) – RAYON BAMBOOSA SP
Alamat : Pending Lor RT 02 RW 11, Pancuranmas, Kec. Secang, Kabupaten Magelang, Jawa Tengah
Email : rayonbamboosasp@gmail.com
Tlp. 085866214989 (Ahsan)

The post Khutbah Idul Adha 1446 H / 2025 M Bahasa Jawa – Nyembelih Hawa Nafsu, Nggayuh Taqwa appeared first on Suara NU.